Uwa e ktien ka NPP, u HM Shangpliang da e jubab u yeiwa pynbaad uwa e ktien ka VPP, u Batskhem Myrboh ha ka khubor wa da pynmih da kawi ka kot khubor pharæng hapoh ka jylla uwa da ong wa ka NPP toh ka Team C katwa ka Congress toh ka Team B kiwa da ya krehlang waka BJP.
Neiliang ka NPP da pynche ko wa ini toh du i mutdur donhi uni u bru khlem da toh iwa sakhiat.
U Shangpliang da ong u wa ha ka Election MLA 2023, ka NPP da jop ko deiwa kyrchaan borbah ki paidbah ka jylla deiwa pait ya ki kaam pynroi kiwa ka Party da leh ko ha kini ki san snem itæ nadooh u 2018-2023.
I ku ka NPP katni toh deiwa kyrchaan ki paidbah neibhah wa nood ko wow toor wow yakhun ya ki kaam wa sahteiñ yong ka jylla kiwa da chah ieh chrah kamtu donhi wei ka Party ymtoh kawa heh du hei nia donhi wow pynbiej paidbah.
Da ong u leh wa ka NPP da kreh chitom ko khnang wow yoh khur yei jop wa emburom ha waroh ar tylli ki Parliamentary Seat ha kani ka Election MP kawa daw man noh wei booh ko hakhmat wow nang e yei kreh neibynta ka roi ka paar yong ki paidbah wei wow pynkylla dur yaka jylla cha iwa rap bha.
Discussion about this post