Da ka poisa deilang wa i ksiar u pynkhle ka Demthring Presbyterian Secondary School

Ynnin ka sngi, neiliang ka Fete Committee ka Demthring Presbyterian Secondary School da pynlait paidbah ko ya ki Ticket Lucky Draw yong ka Demthring Presbyterian Secondary School ha ka yalang wa da pynman ha yung krehkaam ka Dorbar Chnong Demthring.

Ya kani ka yalang wa tbian da pynlai da u Elword Ryngkhlem, Chairman ka School Fete Committee heiwa u Medling M Swer uwa man kam uwi wa bna pyrtuid ka thaaiñ Ri-War Jaiñtia da man u kam u kongsan wow pynlait paidbah ya kini ki Ticket khnang wa ka skur u sdang noh ko wow dai ya kini ki Ticket nadooh kani ka sngi.

I thmu wow pynman ya kani ka Lucky Draw toh yow pynmih poisa neibynta u chna pyndep yaka yung skur ka Demthring Presbyterian Secondary School kawa da chakri ya ka chnong Demthring wa ya ki chnong wa marjan.

Da ya emlang leh wa u E. M. Ryngkhlem, Secretary Fete Committee deilang wa ki dkhot ka Fete Committee.

Kamtæ ka skur da kyntu ko ya ki paidbah wow sñiawbha u thied ya kini ki Ticket kam wow kyrchaan phi ya kani ka skur.

I dor yong ki Ticket man ko Rs. 30 chi sla wei ki Prize man ki kamni: