U President ka Meghalaya Pradesh Congress Committee (MPCC), u Vincent H Pala da ong u wa ka Congress da phah ko ya kiwa yahkhmat ka Party wym toh u klam kulmar næ wow beiñ wow khoh ya kiwa yakhun pyrchah heipor wa lai ki yow yalap neibynta ka Election MP Lok Sabha.
Katkam i ong u Vincent Pala uwa man leh u MP wa katni na Shillong, wa du neidaw wa klam kulmar ki paidbah ye ki wot wow kyntait hanla mon ki ya ka Congress.
Da ong u wa ka Congress phær ko na kiwi ki seiñ saaiñpyrthai, neibhah kiwi ki seiñ khamtam ki seiñ ri-loom kiwa klam katwa kwah ki, tangwa ka Congress toh ka seiñ wa heh hapoh ka ri India, kiwa yahkhmat leh hap ki wow klam deiwa pyrkhat neibhah hap ki wow pyrkhat ya ka myntu waka mynstep wei toh u tip ki leh yeiyi wa klam ki.
Heijooh i por da khana u wa ki kyrtong yong ka Congress u lai thap pyrtuid ki haka 25 tarik uni u bnai kitæ ha Tura da u Saleng A Sangma wei ha Shillong won da oo u Vincent Pala.
Discussion about this post