U kyrtong ka Congress na Shillong uwa man u MP wa katni, u Vincent H Pala da ong u wa kiwa boon ki paidbah ha kylleiñ ong ki wa boon ki phang namo ki Issue ka Voice of the People Party (VPP) ymye ki u wanrah ya i chong chngaaiñ ha Meghalaya lada pyrkhat bha, wei ye pathan wow haap ha i jooh kam ha Manipur wei daw mih i yaphær jaitbru.
Yeini da ong u ynne ka sngi deiwa ong wa ha ka Election daw em bait i yakhun, wei i mih ka VPP ympu ye wow ong wa ya ki Vote yong kiyi u chim ko kat hadooh wa lai kylleiñ kyllieñ wow ye u sñiawthooh.
Da ong u wa ki Issue ka NPP, VPP wa UDP ki paidbah kammon sñiaw ki ki, hajrong itæ ka Congress daw pynkhreh ko kammon wow lai cha ki paidbah.
Da ong u wa kiwa boon ki paidbah sñiawthooh wei pynsñiaw ki wa ka Election MLA wa MDC yaphær ko na ka Election MP deiwa pynrap wa hapoh i synchaar paidbah toh bait i rai yong ki paidbah.
Katkam wa ong u, waroh ki kyrtong kiwa yakhun ha kani ka Election MP wa katni khlan ki wei em ki jar jiar kiwa kyrchaan la ha Shillong næ ha Tura.
Discussion about this post