Da khang ya kiwa yalap Election wow pynbaad ki khlem ki sabut wa biang

U Deputy Commissioner (Election), West Jaiñtia Hills da pyntip u wa ka Election Commission of India (ECI) da pynbna ko ya ki sngi pynman Election Lok Sabha wei da krehkaam leh ka Model Code of Conduct hadooh ka 06-06-24 iwa mut hadooh wa pyndep ya ka Election.

Hapoh ka Model Code of Conduct da khang ko ya kawon kawon ka seiñ næ u kyrtong wow klam ki kyntien wow pynmih yachoon para bru ha ki bynta kiwa yatoh wa i ngait, ka ktien ka thylliej næ kiwa wanrah yei pynyaphær jaitbru.

Lada klam pyrchah ya kawon kawon ka seiñ næ u kyrtong toh du neibynta ki kaam wa da kreh kin æ ya ki Policy krehkaam yong ki. Ymtoh leh u em kiwon kiwon ki kaam wa beiñ yei yong samen næ ki kaam pohyung yong u bru. Chooh chooh ymtoh wow pynbaad næ pharep khlem da em ki sabut wa ki sakhi wa biang.

Ymtoh wow yalap Election na ki rynsan yungmane ha iwon iwon i por.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Waroh ki seiñ wa ki kyrtong toh u kiar ki nei pynbaam poisa, saam baam, saam kiad næ wow maham ya kiwon kiwon.

Ymtoh wow pynman yalang hajan ki Polling Station næ wow lai yalap Election 48 kynta chwa ya ka kynta kawa da booh wow kut i thap Vote.

Da khang leh ya kawon kawon ka seiñ næ kyrtong wow pynbiang kari ya kiwa thap Vote.

Kiwa kyrchaan yong ki seiñ wa ki kyrtong toh u burom mar kylliang ki ya kiwi wei ymtoh wow pynwit ya ki yalang næ ki lai paidbah yong kiwi kiwa yaleh pyrchah.

Waroh ki yalang toh u yoh bor chwa na ka yung krehkaam u DC lyngba u Assistant Returning Officer wei deiwa tip chwa ki bor pulit. I pynemkaam ya ki tanghæng toh hadien wa yoh bor donhi.

Ym chah wow pynemkaam da ki khynnah næ ki khonboo hei lai yalap Election wei wow pynchongchit Election ha ki chnong ki thaw.

Ym chah wow pynman ya kawon kawon ka yalap Election chwa ya ka 6:00 waje i step wa hadien ka 10:00 waje i miet.

Lada em ka lai paidbah yong ki ar seiñ kiwa ya pyrchah, toh u yakut chwa khnang wym em i wit uwi ya uwi. Ha kini ki lai paidbah ye ki wow em kattu katni tylli ki kari leh tangwa ki seiñ wa ki kyrtong hap ki wow pynyoo yei lut i sep waroh.

Ym chah wow thang ya ki dur bula pyrchah ya kiwon kiwon ki bru.

Ha ka sngi thap Vote u e laad ya u kyrtong wow pynemkaam du le tylli ki kari hawa lai pait ya ki Polling Station.

Lada em ki Montri kiwa lai yalap Election, toh u pynemkaam ki da ki kari samen ymtoh da ki kari sorkar.

Kam ki chnong ki thaw ym ye wow khang ya uwon uwon wow wan yalap Election lada da ka Party næ da u kyrtong.