Lai yachem u President ka BJP ya u Conrad yow e kyrchaan ha ka Election MP

Hadien wa kiwa yahkhmat ka Bharatiya Janata Party (BJP) na Delhi da rai ki wym sai kyrtong ha ka Election Lok Sabha ha Meghalaya, wei wow kyrchaan tylli ya ar ngut ki kyrtong yong ka National People’s Party (NPP), ynne ka sngi neiliang kiwa yahkhmat ka BJP Meghalaya da lai ki wow yachem wa u National President ka NPP uwa man u Montri Rangbah ka jylla, u Conrad K Sangma.

Neiliang u Rikman G Momin, President ka BJP, da khana u wa i yaklam wa u Conrad toh hajrong i rai yong ka Party wei da ong u wa kam ka Party daw kohngooh ko yei rai yong kiwa yahkhmat na Delhi.

Hawa kylli, u Rikman da ong u wa neiliang ka Party daw lum ko leh ya kiwa kyrchaan wa kiwa kreh ka Party wow pynsñiawthooh hajrong i rai wow kyrchaan bait ya ki kyrtong ka NPP.