Yut seiñ u MLA ka Congress hadien wym pynbna yei pyrtuid ka kurim kam ka kyrtong MP

U MLA ka Congress na Nowboicha, Lakhimpur District, Assam u Bharat Chandra Narah da mih noh u napoh ka Party ynnin ka sngi iwa man leh ar sngi hadien wa pynbna ka Congress yei pyrtuid u Uday Shankar Hazarika kam u kyrtong Lok Sabha na Lakhimpur Constituency.

U Bharat da yooluti u wa ka Congress daw pynbna ko dei pyrtuid ka kurim u, ka Ranee Narah kawa jooh man leh kam ka Montri ka sorkar pyrdi.

U Bharat da ieh u leh yei ksoh u kam u Chairman ka Assam Congress Media Cell wei haka chithi wow mih napoh ka Party toh kawa du chi line donhi kawa ong da mih noh u napoh ka Congress chisiendon.

Ka Ranee toh kawa da dep jop na kani ka Constituency la le sien wei da jooh man ko leh kam ka MP ka Rajya Sabha wei da man ko kam ka Montri sorkar hapoh ka sorkar u Manmohan Singh.

Related posts

Dam noh ka NPP wow kyrchaan ya ka sorkar ka Manipur wa yahkhmat da ka BJP

November 17, 2024

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

Kam wow kdaw heini wa ka Congress da pynbna ko yei pyrtuid ki 13 ngut na ki 14 tylli ki Parliamentary Constituency ka Assam wei kattæ da em ko 3 ngut ki MP kiwa jop ha ka Election MP wa khaddooh.