Ki nong India wa boon ngut da pteiñ ki wow chah thok ha ki bru wow lai cha Russia deiwa kular kreh kiwa su da ka tulop wa heh heiwa kattæ won da em sa uwi u bru uwa na Kalimpong, West Bengal uwa da ngat ha ini i jooh heiwa da phah pathan ya oo wow man kam u chipai haka thma Ukraine-Russia.
Uni u bru wa jooh kreh ha ki kaam chipai ha India uwa tip kam u Urgen Tamang (47 snem) da chah phon u ha ki bru wa kular kreh heiwa da ieh u ya ka kurim wa ar ngut ki khon khian yow lai cha Russia ha ka 18 tarik u bnai nyngkong uni u snem.
U Urgen da lai u cha Russia deiwa ngait yeiwa da kular e kreh ya oo kam u Security Guard da uwi u bru uwa na Siliguri uwa da phah ya oo cha Delhi heiwa da em ki bru wa pynbiang yaka kot ki sla kam ka VISA yow ye u lai.
Manda poi u ha Moscow da chem u ya uwi u Nepali uwa da yah oo cha i thaw sah u wei hadien won da yah oo cha uwi uwa na Tamil Nadu uwa da pynsah oo hapoh Hotel 8-10 sngi wei manda wan thooh ki oo neini da lai yah ya oo cha ka Army Camp deiwa ong wa ini man ko du kam ka Training donhi.
Da phah ki leh wow soi ya ki kot ki sla (Bond Paper) wei hadien da hikai kammon wow siat suloi wei da pyntip ya ki wow lai yaleh thma ki pyrchah yaka Ukraine.
Ini wa jia ya uni da poor ki leh chadooh ka Ministry of External Affairs kiwa da kular wow lai thooh noh ya oo.
Ini ymtoh i sien wa nyngkong wa jia kam ini heiwa ha ki bnai wa dep ka Ministry of External Affairs leh da pdiang ko wa em kam kam kini ki bru kiwa da chah thok chah chukor deiwa kular yoh kreh ha Russia tangwa da phah lai yaleh thma ki wei da antaad wa em kamwa 20 ngut kiwa da sahkut ha Russia.
Na kiwa da chah thok, da em leh uwi uwa da yap heipor wa lai yaleh thma uwa tip kam u Mohammed Asfan uwa na Hyderabad iwa da jia ha uni u bnai.
Yeiwa klam paan yarap u Urgen Tamang ye phi u pait heini ha wah:
Discussion about this post