Ka Election Commission of India da pyntip ko wa ka Mobile App yong ka kawa tip kam ka cVIGIL toh kawa ka-it ki paidbah wa thap Vote u pynemkaam heiwa da yoh palat 79,000 tylli ki ujor nadooh wa pynbna ya ki sngi pynman Election heiwa 99% na kini ki ujor da ye ka ECI wow pyndep yei takit kam chibynta wow pynman yaka Election kawa khooid wa suba.
Da pyntip leh wa kamwa 89% na kini ki ujor toh kiwa da ye u pyndep pynbait hapoh 100 minit.
Palat 58,500 tylli ki ujor wa da yoh iwa man 73% toh pyrchah ya i booh ya ki Hoarding wa Banner pyrchah yaka aiñ wei palat 1400 tylli ki ujor toh kiwa yatoh waka poisa, i e sñiawbha wa i saam kiad.
Awjan 3% na ki ujor kiwa em 2454 tylli toh chaphang i biah Poster wa kiwi de ki thoh ki taar ha ki thaw yong ki bru samen wei 535 tylli won chaphang i maham bru, i rah tiar yasiat wei 529 tylli na kini toh kiwa da ye u pynbait.
Kamwa 1000 tylli ki ujor won toh yei pynemkaam tanghæng palat yei por wa chah.
Kam wow pynkynmoo wa ki paidbah lyngba kani ka cVIGIL App ye ki wow ujor lada yoo wei chem ki ya iwon iwon wa jia iwa man pyrchah ya ki kyndon pynman Election deiwa phah da ki dur, ki Video, ki Audio kam ki sabut khlem da hap lai cha ka yung krehkaam u Returning Officer.
Discussion about this post