Ki Oil Marketing Companies (OMCs) kiwa em ha India da pynhiar ki yei dor ki ar jait ki tadong Gas kitæ ka 19 Kg Commercial Cylinder wa ki 5 Kg Free Trade LPG (FTL) wei ini i dor thymme u krehkaam i nadooh myntu ka sngi ka 1 tarik.
I dor ki 19 Kg Commercial Cylinder da pynhiar da Rs. 30.50 katwa ki 5 Kg FTL Cyliner da pynhiar da Rs. 7.50.
Kini ki 19 Kg Commercial Gas Cylinder toh ki Non-Subsidised Cylinder kiwa pynemkaam ha ki Hotel, ki Restaurant hadooh ki karkhana wei deiwa pynhiar dor kattu ha Delhi i dor wa dai man i Rs. 1,764.50, ha Kolkata won Rs. 1,717.50 katwa ha Chennai won Rs. 1,930.
Chwa ini ha ka 8 tarik u Wisu (Mar) kam chibynta ka International Women’s Day, neiliang u Prime Minister, Narendra Modi da pynbna u wa da pynhiar dor da Rs. 100 ya ka 14.2 Kg Cylinder kiwa pynemkaam yow chet u tu ha ki yung ki sem ki bru.
Ha ini i pynhiar dor thymme ym em pynkylla yei dor ki Subsidised 14.2 Kg LPG Cylinder wa pynemkaam ha ki yung ki sem.
Discussion about this post