Uwi u bru wa kreh mylla sngi da chah rahbor u ha ki damok ha North Garo Hills hei miet ka 30 tarik u bnai wa dep tangwa ki pulit da ye ki wow lai pynlait oo pyn ha ka sngi wa bood.
Uni u bru toh uwa tip kam u Leeku G Momin (26 snem), uwa da thiah miet ha ka yung chnong wa tip kam ka Nokpante kiwa da chna kyrpang ya ki khynroo wym pu em kurim katkam ka riti dustur ki Garo wei ha katai ka miet da em kamwa 7- 8 ngut ki bru kiwa dapoi heipor chiteiñ synyaaw yow rah oo dei bor.
Kamtæ ki pulit North Garo deiwa ya krehlang wa ki chipai ka CAPF 120 Bn da pynman ki yei thooh ya uni u bru ha ki thaw wa em chajan.
Khaddooh da chem ya oo na iwi i khloo wa em hajan i chnong A.brong wei da ye wow li yah biang oo chei thaw sah.
Ki pulit dang pynman ki yei thooh ya kini kiwa rah ya uni u bru wei da suba wa da leh ki yeini neidaw yong samen heiwa da em chwa i ya choon.
Discussion about this post