Ka bei yong u Ribok Diengdoh uwa man u President ka KSU South Khasi Hills da sñiaw tieñ ko hawa ki pulit wan ki wow tied yung kam wow kheiñ ka dwar heipor chiteiñ miet ka 28 tarik u Wisu (Mar) 2024.
Hawa klam ynne ka sngi, da khana ko wa hawa wan choh dwar ki pulit ha yung heipor chiteiñ synyaaw, da hær rngu ko wow sñiaw yei wan wei ku ki cha tyngkong yung wei da choh dwar ki lakam wow lait waka dwar wei lada ym wai kopsar da mut syndon ki u tyngkheiñ ya ka dwar.
Da khana ko leh wa toh ka khon kynthai yong ka kawa lai wow wai wei wow yaklam wa ki wei da psiah ki cha kamra thiah, cha paikhana yow thooh ya u Ribok.
Da khana ko wa hadien wa mih ki, da duwai Blai ko neibhah lada em u khon ko ha yung da tieñ ko ya jia kamwa jia ya u Cherish.
Da pyntip ko leh wa hadien wym chem ki ya u Ribok, da kylli ki cheiwon sah wei cheiwon em u.
Ki pulit da lai thooh ki ya u Ribok hajrong i jia ha Ichamati ini wa dep heiwa da em ar ngut ki dkhot ka KSU South Khasi Hills kiwa da chah rah ha ki pulit heyatoh wa ini wa jia.
![](https://i0.wp.com/wyrta.com/wp-content/uploads/2024/04/hvbtgf1.jpg?resize=960%2C541&ssl=1)
Discussion about this post