Ka Khasi Students’ Union (KSU) da khyrwait ko deiwa eh ya ki bru saiñ pyrthai namo ki Politician kiwa bang wei thiang du i ktien heipor Election khlem da ye won wow pynmankaam yei kaam kamwa da khlai kyntien ki.
U General Secretary ka KSU, u Donald V Thabah da ong u wa ini ymtoh de iwa thymme, deiwa e naam u leh ya ki kattu katni kiwa yahkhmat kiwa da kreh sakhiat yei kaam neibynta ka jaitbru kam u Martin N Majaw uwa da wanrah yaka aiñ ksoh khyndaw wa kattu katni ngut kiwa toh sakhiat kiwa yahkhmat.
Da ong u wa ha kini ki por wa katni, ki Politician thiang ki du i ktien lada klam ki ha ki yalang paidbah, da klam ki yei maya jaitbru tangwa manda jop ki wei chong ki ha ka chuki iyi leh ki.
Kamtæ da ong u wa ki paidbah ymtoh de u kylli ki neibhah da yoo wa hadooh katni ym pu em leh ki iyi iyi wow pynyoo wa ka jaitbru chong chnaaiñ ko, khamtam wow pyndooh ya kiwa na baar kiwa wan buhai chnong ha kani ka jylla.
Discussion about this post