Ynne ka sngi ha ka lympung yalehke wa tip kam ka District Cricket League 2024 wa pynman da ka West Jaiñtia Hills District Cricket Association (WJHDCA) ha madan Khliehtyrshi Mini Stadium, ka yalehke wa da man toh hapyrdi ka Mupliang Cricket Club waka Phramer Cricket Club.
Ya ka kylla-khlem da jop da ka Mupliang heiwa da jied ko u Bat nyngkong dei yoh 171 Run na ki 28.5 Over deiwa dooh waroh ki Wicket heiwa da kamai boon Run dooh da u Byforcestar Dhar uwa da yoh 42 Run na ki 33 bol, u Wanker Sana 35 Run na 31 bol wa u Echwa Phawa 22 Run na ki 25 bol.
Neiliang ka Phramer Cricket Club kiwa lehbha da ka bol toh u Deimiki Rabon uwa yoh 4 Wicket na ki 5 Over, u Iaineh Suchiang uwa da yoh 2 Wicket na ki 5 Over wa u Ham Lyngdoh uwa yoh 2 Wicket na ki 4.5 Over.
Hawa kdong yaka thong, ka Phramer Cricket Club da ye ko u yoh du 151 Run na ki 25.5 Over deiwa dooh lut ya waroh ki Wicket. Kiwa rap Bat bha na ki toh u Denis Lyngdoh uwa da yoh 17 Run na ki 28 bol, u Sauni Nongtdu uwa yoh 15 Run na ki 14 bol wa u Pyrkhat Sari 15 Run na ki 21 bol, katwa neiliang ka Mupliang kiwa rap bol bha toh u Saunihi Patwet uwa da yoh 2 Wicket na ki 7 Over.
Yei naam Man of the Match da yoh da u Saunihi Patwet yong ka Mupliang Cricket Club.
Discussion about this post