Ka VPP ynne da pynlait ko ya ka Election Manifesto neibynta ka Lok Sabha Election 2024 kawa man kam ka thup wa em ki mang krehkaam ka Party kawa da pynlait da u Vice President ka VPP, u Kara H Chen.
Ki phang wa da kdaw hapoh kani ka Manifesto da em ki 24 tylli wei kawi na kini toh yow pynpsiah ya ka Meghalaya hapoh ka Article 371 ka Constitution yow yada yaka jylla na ki aiñ ka sorkar pyrdi kiwa ktah yei rukom im wei ya ka dustur riti ki paidbah.
Ha kani ka jooh ka phang da klam leh yaka Sixth Schedule yow pynpliah yei rukom synchaar yong ka nadooh na tre na thied hapoh ka jylla wei wow yaleh leh yow yoh ki bru u mantre yei thaw wa ki mar ramaw wa em.
Hapoh ka Article 371 em boon ki bynta nadooh Article 371 A hadooh J kiwa krehkaam kam ha ka jylla Gujarat, Maharashtra, Nagaland, Assam, Manipur, Sikkim, Arunachal Pradesh, Goa, Karnataka wa ha Andhra Pradesh/Telangana.
Ka Article 371 A toh kawa pynkrehkaam hapoh Nagaland heiwa da emkaam wow yoh bor chwa naka sorkar jylla chwa wow krehkaam ki aiñ ka sorkar pyrdi kiwa yei u ktah yaka dustur riti, ka niam, ka rukom i mantre thaw wa kiwi de.
Ha Assam da pynkrehkaam da ka Article 371 B yow em ki bynta wa man kam ki Sixth Schedule, ha Manipur da em ka Article 371 C yow yada ya ki bynta ri-loom kani ka jylla.
Ha Mizoram da em ka Article 371 G heiwa ki aiñ ka sorkar pyrdi ym ye ki wow krehkaam khlem da yoh bor na ka sorkar jylla kiwa ye u ktah yei rukom im, ka niam ka rukom, ka dustur riti, ka aiñ ka kanun wei yei mantre yei thaw.
Kiwi de ki phang wa da booh thong ka VPP toh yow pyrchah tih Uranium, u pyrchah luti rel, u pyrchah yaka aiñ UCC, ka aiñ CAA, wow dawa ILP wa i tipmit ya ka ktien Khasi hapoh ka Eight Schedule najrong kiwi de.
Neitæ won yow wanrah yei synchaar iwa hok wa khooid, kawa em yei kitkhlieh yow pyntikna wa ki paidbah u yoh ki yei hok deiwa khlem leh chiliang.
Discussion about this post