Ka yalehke yong ka lympung District Cricket League 2024 kawa da pynman da ka West Jaiñtia Hills District Cricket Association (WJHDCA) da pteiñ ya ka ynne ka sngi ha Khliehtyrshi Mini Stadium.
Ka yalehke wa da pynman toh hapyrdi ka Lion Sports Youth Affairs (LSYA) waka Cultural Youth Club Mowkaiaw (CYCM) heiwa yaka kylla-khlem da jop da ka LSYA heiwa da jied ko u Bat nyngkong.
Ka LSYA da lai ko wow kamai 206 Run na ki 35 Over deiwa haap 7 Wicket, heiwa kiwa rap Bat bha na ki toh u Deibormi Rangad uwa da yoh 86 Run na ki 79 bol, u Heiyoomiki Ryngkhlem uwa da yoh 44 Run na ki 68 bol, katwa neiliang ka CYCM kiwa lehbha da ka bol toh u Grateful Lyngkhoi uwa yoh 2 Wicket na ki 7 Over wa u Regardful Lapasam uwa yoh 2 Wicket na ki 7 Over.
Ka CYCM hawa kdong yaka thong da ye ki kamai du 71 Run donhi na ka 14.4 Over heiwa da dooh lut ki waroh ki Wicket deiwa kamai boon dooh u Rangdamon Laloo uwa yoh 24 Run na ki 22 bol, katwa neiliang ka LSYA da ka bol da lehbha u Wijan Pohleng uwa toh 3 Wicket na ki 3 Over, u Deibormi Rangad uwa yoh 2 Wicket na ki 2 Over wa u Peterson Lamare uwa yoh 2 Wicket na ki 4 Over.
Kamtæ ka Lion Sports Youth Affairs da jop ko yaka Cultural Youth Club Mowkaiaw da 135 Run.
Ya i naam Man of the Match da yoh da u Deibormi Rangad yong ka Lion Sports Youth Affairs.
Discussion about this post