Phooh phieñ ka Chaad Sukra 2024 ka Seiñraij Jowai

Ka Chaad Sukra 2024 ka Seiñraij Jowai kawa da pynman ynne da man ko kawa phooh wa pheiñ wei kawa chongchit deiwa man ka sngi kawa chit wa rang.

Ynne i step da sdang ya ka lehkmen Chaad Sukra da ka yalang wa da pynman ha Madan Mynkoi Pyrdi Iongpiah deiwa wan sakhilang u Vice Chancellor ka NEHU, u Prof. Prabha Shankar Shukla deiwa emlang ka Silbi Passah kawa da thang leh ya ka charak kam ka dak wai.

Yei ktien pdiang burom da yoh na u President ka Seiñraij Jowai, u Hercules Toi, i Ngooh Blai na u Wanda Oo Lakiang uwa man kam u Chutia neitæ i klam chaphang ka Chaad Sukra da yoh na u Arwotki Sumer uwa man kam u General Secretary ka Seiñraij Jowai ha ka yalang wa pynlai da u Ebormi Sungoh waka Warika Sumer.

Ha kani ka yalang da yoh leh ki chaad wa boon kam ka Chaad Lahooh wa da e da ka Khynroo Khyllood Committee ka Seiñraij Jowai neitæ da wan chimbynta leh ka Seiñraij Niamtre Ummulong, Seiñraij Shillong, ka Seiñ Tyllilang Niamtre Ladthadlaboh deilang wa ki dong ka chnong Jowai kam ka Loomkyrwiang, Loomiongkjam, Panaliar, Dulong, Tpep-Pale, Loompyrdi Iongpiah, Chilliangraij wa Umchangiar.

Hadien ini da pynman sei Mih-Yaaw deiwa lai na Biar ka Blai heiwa heini leh da pynman yaka yalang wa tbian wa i chaad chwa wow lai cha Iawmusiang deiwa bood lang ki paidbah wa da sap da riam tynre deiwa emlang ki kari wa da pynriam wei kiwa da tem ya jar jiar i sur Chaad Sukra wa da pynkhreh.