Ka KSU-East Jaiñtia Hills District Unit lyngba ka Sports Committee da pynkup burom ko ya ki 6 ngut ki khynroo ka East Jaiñtia kiwa da yoh rah takma haka North East Game 2024 kawa dang dep pynman ha Nagaland ha u Wisu (Mar) 2024.
Kini ki khynroo kiwa chah pynkup burom toh:
U Repol Dkhar uwa da yoh khur ar tylli ki takma, kawi ka Takma Ksiar haka 4×400m Relay Men waka Takma Tama haka 4×100m Relay.
U Eleven Dkhar uwa da yoh khur ar tylli ki takma kawi ka Takma Tama haka 800m waka Takma Tama haka 4×400 Mixed Relay.
U Bhalang Shadap uwa da yoh Takma Rupa haka Boxing (67kg).
U Knerlang Phawa uwa da yoh wow khur yaka Takma Tama haka Cross Country Team Event.
U Phermiki Salahe uwa da yoh Takma Tama haka Compound Men’s Team.
Ka Rukini RT Dkhar kawa da yoh Takma Tama haka 4×400m Relay Women.
Ka seiñ da pynkup burom ko ya kini ha yung krehkaam ka seiñ heiwa yaka yalang da pynlai da u Shwari Ryngkhlem uwa man u Chairman ka Sports Committee deiwa emlang u Asst. Organising Secretary, u Donbok Mukhim, u Publicity Secretary, u Hamewanpynhun Ryngkhlem wa u Asst. Finance Secretary, u Cherity Suja.
Ka seiñ dap ko dei sñiawsarong yei kreh chitom kini ki khynroo khyllood wow wanrah burom ya ka District wa yaka yung ka sem yong ki wei kamjooh leh yaka jylla Meghalaya.
Kamtæ da pynchlur ko ya ki kamjooh kiwi wow nang kreh chitom wei wow im tip sngi, tip bru, tip Blai yow nang yoh chooh u khur takma ym du ha North East Game tangwa chadooh ka kyrdan National wa International.
Discussion about this post