Kylli u Comingone lada ka VPP klam ko chaphang ka Reservation Policy ha ki yalap Election

Ynne ka sngi u Comingone Ymbon uwa man leh kam u Montri sorkar hawa e i klam haka yalang paidbah neibynta ka Election MP ha Iooksi, da ong u wa kam ka NPP da yoobiang ki yaka Dr. Ampareen Lyngdoh kam ka kyrtong MP kawa da ih bha wei da jop ko la san sien kam ka MLA.

Da ong u wa lada ka Dr. Ampareen ymtoh kawa kreh chitom kreh hok ym jied ki paidbah ka Constituency yong ka la san sien deiwa kyntu ya ki paidbah wow kyrchaan ya ka kam ka MP khnang wa i angnood yong ki u man iwa sakhiat.

Chooh chooh da ong u wa em 6 ngut ki kyrtong MP ha kani ka Election wei lada jied ki yaka Dr. Ampareen daw suk ki neibhah wa ka NPP em ko ha ka sorkar deiwa ong wa ha Shillong ki baar jylla sian bha ki neibhah jied ki du ya kiwa em haka sorkar.

Heijooh i por da ong u wa ka VPP toh ka Party kawa arsap bha kawa da luchia wow pynkhih yaka Reservation Policy heiwa nachwa jooh yoh kreh bait ki Khasi Jaiñtia 60-70% tangwa katni thij 40% u yoh i kamtæ da pynbiej ko yaki khynroo khyllood.

Related posts

Ya ka Election cha GHADC daw pynbna hadien ka Delimitation

April 15, 2026

Baam smai u Samrat Choudhary kam u CM wa thymme ka Bihar

April 15, 2026

Kamtæ da kylli u leh wa lada ka VPP klam ko chaphang ka Reservation Policy ha ki yalang Election MP yong ka.

U Comingone da ong u leh wa manda jop ka Dr. Ampareen, oo wa u Nehemayah u man ki kam ka yingkieñ wow yachem ki paidbah ya ka.