Uwa yahkhmat ka VPP, u Ardent Basaiawmoit hawa hiar paan kyrchaan na ki paidbah haka yalang ha Iawthymme, Jowai ynne ka sngi neibynta u kyrtong MP ka Party, u Dr. Ricky Syngkon da pynsñiaw haroh u ya ki 24 tylli ki mat kular wa ka VPP da pynkhreh ko deiwa ong haroh u, “Kwah O wow kylli na kitu ki jrong thylleij ki bru thok wa yahbakla ya u paidbah wa heiwon da thoh haki mat kular ka VPP neibynta wow e jait cha u pa”.
Ong u wa em pathan ki seiñ saiñhima sima ki wym nood u sai ya ki mat krehkaam næ mat kular yong ki cha u paidbah wot hawa da jan ka sngi thap vVte leh, yoosar i daw toh wa daw pynkrehkaam ki daki mat kular ka seiñ BJP.
Ong u wa kam ka NPP leh hadooh katni wym pu em sai ko yaki mat kular wei i daw toh wa yaka da kyrchaan da ka BJP wei i mat kular yong ka leh toh iwa man pyrchah yei yong ka VPP.
Hawa kynmoo ya u tynde u Hopingstone Lyngdoh, da yaroh u oo deiwa ong wa man u u bru wa khroo pyrkhat uwa em yaka yurim wei u wym jooh em por wow klam neibynta kiwi la hei wow klam hajrong i e jait cha ka bei næ cha u pa, kam neibynta u JJM Nichols Roy, u GG Swell wei ileh kini e jait pa ki, tangwa kreh ki neibynta wow im ka jaitbru.
“Katwa katni won mih ki khynnah khian kiwa khian jabeiñ dei wow boh nia pathan ya u kyrtong VPP wa ya u Ardent,” ong u Ardent Basaiawmoit.
Ong haroh u wa burom u ya ki kynthai ki manbei neibhah wa heipor wa man u kam u CEM ha KHADC da pynkupbor u da ka manbei wow man kam ka Chairperson hapoh ka District Council.
Chooh chooh ong u, wym em itæ i thmu pynkylla e jait cha u chynrang, najrong wa oo hi wa u Dr. Ricky wym em leh khyllah ki, neibhah nadooh kiwa yahkhmat wa khroo nachwa leh wot kiwa yaleh pynyoh District Council leh toh kiwa chim jait na u pa.
I daw wa chah pynbaad ki katni toh wa da joor i tieñ neidaw wa ki paidbah da kyruiñ khmat ki cha ka VPP, wei lada jop MP ka VPP daw yoh synchaar ko yaka jylla, neitæ wym dam hi ko leh u pynkhooid yei jhep wa sma wa tung ha Jowai.
Discussion about this post