Ar ngut ki khynnah kynthai da chah slaitbor ki ha South West Garo Hills heipor wa lai ki cha Chenga Benga Mela wa pynman ha chnong Gandhipara wa em hajan Garobadha, South West Garo Hills haka 17 tarik uni u bnai.
Kani ka Mela toh kawa da pynman chisien chi snem wei da wan ki bru wow chimbynta na kylleiñ ka Garo Hills kamjooh ki thaw wa em chajan ka Assam.
Kini kiwa chah slaitbor toh kiwa da wan jar jiar cha kani ka Mela ki wym tipmit kawi ya kawi wei da wan ki wa u lok chynrang para khynnah hi wei da suba wa chah slaitbor ki ha ki jooh ki bru kiwa klam dei ktien Bengali.
Ini da jia i heipor kamwa 9:30 i miet ka 17 tarik heiwa nyngkong ki ar ngut ki chi lok da lai ki rap cha jngai na kani ka Mela heiwa da em ki bru kiwa yang khap kiwa da khyrrup ya u chynrang wei da dat ki oo hadooh wa yapler wei da dat ki leh yaka kynthai hadooh wa yapler ko wei da slaitbor ki ka wei ka ymtip ko katwon ngut em kini ki bru.
Hadien ini da wan won sa ar ngut ha ini i jooh i thaw wei ya kini leh da jia i jooh tangwa da kdoh ya u chynrang wei da dat da bom yaka kynthai wei da slaitbor ka uwi hadien uwi. Kani ka khynnah won ym em yapler ko wei da yoo ko wa em boon ngut.
Da yoh ki wow liwan cha yung hadien wa kini ki bru da yut ki na ini i thaw.
Ha ka FIR wa da e da ong wa em hadooh 12–15 ngut ki bru kiwa tymmoh yei dur khmat yong ki.
Ini i thaw wa jia toh iwa jan waka jylla Assam wei da suba wa kini ki bru ye u man kiwa wan na baar jylla.
Yei takit da booh hapoh ka Ampati Women PS hapoh ki kyndon ka aiñ POCSO Act.
Discussion about this post