Hadien wym em kiwa yoh u thap kool haka kylla step, ka Langsning FC da pynyoo bor ko yow jop da 5-1 haka kylla miet pyrchah yaka Nongthymmai SC haka yalehke ka Shillong Premier League 2023 ynne ha SSA Stadium, First Ground, Polo, Shillong.
Yaka Langsning da thap kool da u Sheen Sohktung (55’, 90’+1), u Nelson Rymbai (59’), u Kitboklang Pale (64’) wa u Dawandappura Biam Pathaw (70’) katwa yaka Nongthymmai da thap da u Andyson Lapang (77’).
Da ini i jop, ka Langsning da yoh ko 9 Point iwa katjooh waka Shillong Lajong FC tangwa ka Lajong da em ko hei wa le neidaw wa da jop ko yaka Langsning kawa da em noh hei wa soo.
Ka Nongthymmai da sah ko deiwa yoh 3 Point wei kattu da ym em laad de ko wow psiah Semi Final wei da chah thap ko 19 kool na ki 6 tylli ki yalehke iwa boon dooh na waroh ha kani ka samoi.
Ka yalehke mynstep u man ko wow yaknieh yoh nyngong hapyrdi ka Rangdajied United FC (15 Point) waka Mawlai SC (13 Point) heipor 3:15 i sngi.
Discussion about this post