Dawa ka HYC na ka SCB wow beh wei wow sliah ya ki yung wa sah tooh ki baar jylla

Ka HYC ynne ka sngi da thoh wei da lai yachem ko wa u Chief Executive Officer ka Shillong Cantonment Board (SCB) heiyatoh wa i chong chnong tooh ki baar jylla hapoh u pood yong ka Board iwa em ha kylla ka Them Iewmawlong ha Lum Survey.

Ka seiñ da ong ko wa ynnin ka sngi da pynman ko ya i takit hapoh ini i thaw wa em mar pyrchah yong ka Fire and Emergency Station, Iewduh (Bara Bazar), Shillong uwa dang haap hapoh u pood ka Board wei yeini da leh hadien wa yoh ujor na ki paidbah. 

Da ong ko leh wa ha ini i takit da chem wa em 80-100 tylli ki yung trep wa da chna deiwa pynemkaam ya ki Plastic wa ki naar-jæd wei da chem wa kini ki bru da sah ki heini khlem yohbor na ka Cantonment Board næ na kiwi ki bor sorkar. 

Chooh chooh da ong ko wa i man i long ha ini i thaw ym man chngaaiñ i wow sah wei pynsihdur i leh yaka sor Shillong waka jylla waroh kawi.

Ka seiñ da chem ko leh wa kani ka thaw da man ko kam ka thaw wow khayi drugs wa kiwi ki kaam pyrchah aiñ.

Hajrong ini waroh ka seiñ da dawa ko wow beh noh ya kini ki wa sah ha ini i thaw wei wow sliah noh ya kini ki yung. 

Related posts

Chah kem 8 ngut kiwa slaitbor ya ka khynnah wa dang 15 snem deiwa rahbor ka heipor wa lai mihlait

January 11, 2026

I yap u Garo toh neidaw wym ye ka sorkar wow pynsangeh yei tih mar pohkhyndaw pyrchah aiñ: BJP

January 11, 2026

U President ka HYC, u Roykupar Synrem da ong u wa kani ka thaw toh kawa khian bha kawa du kamwa 10,000 hadooh 20,000 square feet tangwa da phylla yei em hadooh 100 tylli ki yung.

Da khana u leh wa hadien i yaklam wa u CEO ka SCB da pyntip wa kini ki bru toh kiwa da sah pyrchah aiñ khlem da yoh bor na kiwon kiwon wei da khana u leh wa hanla em ko hapoh ka SCB ki bor wa toh u pait toh ka chnat chipai namo Defence kawa em yung krehkaam ha Guwahati.