Phooh phieñ i lehkmen dap 34 snem ka Khynroo Khyllood Committee ka Seiñraij Jowai

Ka Khynroo Khyllood Committee (KKC) ka Seiñraij Jowai ynnin i janmiet ka 28 tarik da lehkmen ko yaka lyngkhooh dap 34 snem ha Yungwalieh ka Loompyrdi Iongpiah, Jowai.

Ha kani ka janmiet da em ka yalang heiwa da yoh i klam pdiang burom na u Sienmi Lato uwa man u Chairman ka Committee wa i ngoohblai na u Wanda Oo Lakiang uwa man u Chutia.

U President ka Seiñraij Jowai, u OH Toi hawa e i klam e mynsien da ong u wa kiwa kitkaam warim ka Committee da booh ki ya u mot deiwa pynmih yaka kot Niamtre ha u 1991 wa 1992.

Da ong u wa ka Seiñraij hi em ko ki khynroo ha ki chnat waphær waphær yong ka wei lada em iwon iwon i thmu ki khynroo khyllood ye ki wow wan chaphrang khnang wow ye u wai laad ya i thmu wa angnood ki.

Related posts

Daw pynman ya ka General Meeting wa nyngkong ka Kur Sumer Pyllun ha Amlarem

November 23, 2024

Dei kreh yonglang pynkhreh ka Seiñ Raij Raliang ya ka Kopati Puja

November 17, 2024

Chooh chooh da ong u wa haka juk wa katni boon i eh i khor tangwa ki luti wow pynbait leh em hi ki. Da ong u leh wa katni emkaam bha u chah hikai ha ki bynta wow em sap ki namo ki Skill khnang wow ye u yieñ ha ki kjat yong ki hi deiwa pynrap wa katni boon bha ki Scheme wa booh ka sorkar wei ya kini ye leh u yoh pyn naka Internet.

Neiliang u Asst. General Secretary ka Seiñraij Jowai, u Wyraiki Kharbuki da ong u wa ki khynroo khyllood man ki kam ki chrot takit nadooh ha yung, ha chnong wa kiwi ki bynta wow pyndep ya i kaamram yong ki.

Da kdaw u yaki kaam wa da leh ka Committee nadooh i pynmih yaki kot Niamtre ym du hapoh Jowai tangwa ha kylleiñ neibynta ka niam ka rukom haki manyung ki khon ka Niamtre.

Chooh chooh da ong u wa ka KKC kyrchaan ko yaka Seiñraij wa kiwi ki Raij ha Ri-loom Jaiñtia wow pynneh wei wow pynskem yaka niam ka rukom wa i man kyrpang ka jaitbru yong i.

Yaki kyntien khublei da yoh na u Secretary ka Committee, u Sajonksiar Langdoh.

Haka bynta wa ar yong kani ka lehkmen da yaklam phyllu yumut hajrong ka phang wa ong “Ka Ratap Ka Rabiang Ka Kynsai Ka Pangrai, Ka Dustur Wa Ksoh Yei Man Kyrpang Ka Jaitbru” heiwa ki bru chemphang kynthup ki ya u Dolloi ka Elaka Jowai, u Puramon Kynjing, u Heibormi Sungoh wa u M. Toi.

Ka bynta wa le yong kani ka lehkmen da pynphooh pynphieñ da ki chaad waki rwai wa da pynkhreh da ki khynroo khyllood ka Seiñraij Jowai.