Ka Dorbar Kur ka Seiñkur Bahkhla Narpuh Border Circle kawa le da pynman yaka ynnin ka 30 tarik heiwa da man ko kawa lai bait lai ryntih wei man ko leh kawa phooh wa phieñ wei heijooh i por da pynthymme ya kiwa kitkaam yong ka neibynta u snem 2024-2027.
Kini kiwa kitkaam man ki kamni:
President- U Everlasting Rymbai
Vice President- U Phrom Rymbai
General Secretary- U Dametreyo Rymbai
Assistant Secretary- U Golden Rymbai
Treasurer- Ka Riwailang Rymbai
Adviser- U Phulman Rymbai
Da jied leh yaki dkhot ka Executive Committee kawa em deilang chynrang wa kynthai kiwa em waroh 30 ngut.
Da ya emlang wei da sakhilang ya kani ka sngi da kiwa yahkhmat ka Seiñkur Bahkhla seiñbei deiwa emlang ki dkhot ka CEC wa kiwa da chah khut sñiawbha nadooh u President, u Leningstar Rymbai, u General Secretary, u Jointly Ksoo, Ex-President, u Tyrnit Pdieñ, u Adviser, u Damewanhi Rymbai, u MDC Tuber uwa man leh kam u Deputy CEM, u Lasky Rymbai, ki Executive Member, u Blastused Rymbai wa u Carlis Rymbai.
Neiliang ka Seiñkur Bahkhla Narpuh Border Circle heijooh i por leh kiwa kitkaam da e khublei wa khroo nyngkong ya u Blai Kynrad lyngba i kyrkhu kyrdoh yong oo da yoh u pynman yei kaam heiwa da man i leh iwa chongchit wei chongkun hadooh kattæ katæ.
Kawa ar i e khublei cha ki parakur para jait wa da ya kyrchaanlang ki u yanoh kyllooid cha kani ka Seiñkur iwa da pynman yei kaam yong ka seiñkur iwa jop.
Khaddooh khadwai da e khublei cha ki parakur para jait kiwa da wa wan na jar i chnong i thaw deiwa burom ya kani ka sngi deiwa pynchitrhem leh ya kani ka yalang ka seiñkur kawa man chisien chi snem heiwa da pynyoo phi yei yatylli kam ka kur ka jait na iwi por cha iwi i por.
Discussion about this post