U Montri Rangbah ka jylla, u Conrad Sangma ynne hawa jubab yeiwa kylli heiyatoh wa i kawang Petrol Bomb ha sor Shillong wa kiwi ki thaw, da ong u da em chwa iwa jia chwa ini wei ka sorkar da yieñ skem ko wow kem ya kitu kiwa emkti hadien wa biang ki sabut.
Kamtæ ka sorkar da antaad ko wa daw em ki dak wow pynyoo pyrchah yeini wei ym em phylla ka sorkar hawa jia ini, heijooh i por da ong u wa ka sorkar leh u kreh ko yow pyntikna wa kini ki kaam ym jia ki wei ki pulit leh da em i pynkhreh ki.
Da kular u leh yaki paidbah wa ka sorkar u leh ko yeiwa emkaam yow kdoh u khoom yeini waroh.
Da ong u leh wa ka sorkar ym kem ko khlem da em ki sabut wa biang næ deiwa em kiwa pynbaad hi-eh wei ini wa jia kattæ toh ha kylleiñ ka sor Shillong, kamtæ dang pynlang yaki sabut wei daw leh katkam ka aiñ yow pynchitom ya kiwa tyngkheiñ aiñ hanla man ki kiwa na kiwon kiwon ki seiñ.
Chooh chooh da ong u wa ka sorkar u yaleh ko katwa ye wow wanrah ya i chongsuk yow lait ki kaam pyrchah aiñ u jia.
Discussion about this post