Ka sorkar kam chibynta wow pynkyllooid yaka nongbah Shillong daw pynchna ko boon tylli ki thaw pynyieñ kari deiwa pynemkaam pyn da ki thaw sorkar hi.
Kini ki thaw pynyieñ kari toh da kiwa tip kam ki Multi-Level Car Parking kiwa chniam hadoh 1254 tylli ki kari kiwa da booh ha Motphran, Polo, Additional Secretariat, Mawkhar, ha yaaw Laitumkhrah, Anjalee, Mawlonghat wa ha Khlieh Iew.
Ka thaw wa em ki yung krehkaam ka PWD ha Barik daw pynman ka kam ka thaw neibynta ki paidbah kawa hoi wow pynman yalang kamjooh ki tamasa iwa daw yarap u pynmait dur yaka sor kamjooh wow pynku yaki kaam uiñke suwari, da pyntip u Montri Rangbah, u Conrad Sangma.
Da pyntip u leh wa chibynta ka Phan Nonglait Park daw pynman ka kam ka thaw pynyieñ kari hadien wa kyrriah yaki mrad cha ka State Zoo kawa daw wai noh ym slem de.
Daw yoh leh 50 tylli ki Bus hapoh ka PM e-Bus Sewa kiwa daw kit bru yow pynkyllooid yaka Shillong.
Daw chna leh yaka Wards Lake Promenade kawa daw em ki thaw wow booh dukan wei wow chong-ke ki bru, neitæ ki thaw lai kjat harood u sarok ka Wards Lake kamjooh nadooh na Shillong Club cha Raj Bhavan hadooh wa poi ka laad Pinewood.
Discussion about this post