Ka Chaad Sukra 2024 ka Seiñ Raij Chnong Tuber Kmaichnong dapoi noh ko cha wakut deiwa phooh wa phieñ haka 4 tarik uni u bnai ha Biar Aitnar.
Yaka yalang da pynlai da u Chairman ka Seiñ Raij Chnong, u Denis Lyngdoh wei da yoh yei ngooh Blai chwa u sdang na u Langdoh ka Raij Tuber, u Janly Rymbai wa i klam pdiang burom na u Waheh Chnong ka Tuber Kmaichnong, u Micky Lyngdoh wei da pynbood sa i klam matpdeiñ ka Chaad Sukra da u Graham Lyngdoh, uwa man kam uwa e buit ka Seiñ Raij Chnong wei da yoh leh yei klam na u Secretary ka Seiñ Raij Chnong, u Iowanki Kyndait chaphang ki kaam wa da leh da Seiñ Raij Chnong.
U kongsan ha kani ka sngi toh u Kyrmen Shylla uwa man leh kam u Montri sorkar, u symbood kongsan toh u Lasky Rymbai, MDC ka thaaiñ uwa man leh kem u Deputy CEM ka JHADC deiwa emlang leh kiwa chah khut sñiawbha wa kynthup yaka F. Wann MCS, Asst. Commissioner ka East Jaiñtia Hills wa u Dolloi ka Jowai, u Puramon Kynjing deilang wa ki waheh ka Raij Tuber.
Da emlang leh ki Waheh Chnong na kiwi ki chnong wa kiwi kiwi ki waheh ka thaaiñ kamjooh kiwa na kiwi ki thaw.
Yei klam e khublei da yoh na u Tellme True Phawa, General Secretary Tuber Kmaichnong.
Da yoh leh wow pynkup burom yaki khon ka chnong kiwa da lehbha ha ki Exam waphær waphær kiwa da yoh 80% chaneiñ. Da pynkup burom leh ya ki waheh wa da chakri da boon snem kiwa chna Drama haka miet wa pyndep ka Chaad Sukra.
Ha kani ka sngi da yoh leh ki chaad da ki sur tynre, k chaad kylla pliang, chaad kyllaiñ kti, Chaad Soo Ngut kamjooh ki chaad tynre na ki dong waphær waphær.
Discussion about this post