Hap pyndiat uwi da ka CCTV yow pynsakhiat wa chah pynchitom haka kurim

Uwi u bru wa tip uwa tip kam u Manan Zaidi hadien wa da dep ujor u boonsien cha ki pulit wa chah pynchitom u haka kurim u kawa tip kam ka Mehar Jahan, da pyndait tooh u da ka Camera CCTV ha yung yow yoh sabut yeini wa leh ka kurim u.

Ini toh iwa da jia ha Bijnor, Uttar Pradesh wei ha ini i Video wa da riñ da ka CCTV da yoo wa kani ka kurim da kdoh ko ya u kurim ko neitæ da sai ko leh da ka tari wei da dih sikret ko uwa da pynemkaam ko yow thang yei bynta chynrang uni u bru wei da ksih wei kdoh ko leh da ka that yei ktien u.

U kurim da kam u wa kani ka kurim u da leh ko yeini hadien wa dadep ko wow e i kynja dih iwa da pyntlot bor oo.

Neiliang ki pulit da lai kem ki ya kani ka bru haka 5 tarik uni u bnai hadien wa yoo ya ini i sabut.

Related posts

Chah dung u Doctor ha Chennai; Ong ka Bei wa maya ware u khon ya ka

November 15, 2024

Kem ki BSF 5 Ton u rasun wa 40 tylli ki masi wa chongdor Rs. 15 lak

November 14, 2024

Haka ujor wa da e da u kurim, da ong wa oo waka kurim u da sah ki du ki donhi hadien wa pynbor ko ya oo wow mih yung u wei da ong u leh wa ka kurim u toh kawa khlan dih kiad.

Chooh chooh da ong wa da bia ki la chi snem wei i daw wa bia u ka leh toh neidaw wa maham ko wow ujor cha ki pulit wa slaitbor u ka.