Da jied biang ya u Sanwotki Laloo kam u Waheh Chnong ka Wahiajer

by Wyrta Staff

May 11, 2024

Reading Time: 2 mins read

U Sanwotki Laloo da cha jied biang u kam u Waheh Chnong ka Wahiajer, haka dorbar chnong wa da pynman ynne ka sngi.

Neiliang kiwa chong chnong ka Wahiajer da wan chongchit ki cha kani ka dorbar wei da iwi i sur da rai ki wow jied biang ya u Sanwotki Laloo kam u Waheh Chnong ka Dorbar Chnong Wahiajer.

Ha kani ka sngi da saam leh ki Award cha ki dong wa khooid tam hapoh ka chnong Wahiajer, heiwa ka Dong Jalapang da yoh nyngkong ko wei da yoh ko leh da ka song poisa wa Rs. 15,000 deilang waka Certificate, ka dong Lummuriap da yoh ko yaka kyrdan wa ar deilang ka poisa wa Rs. 10,000 chirup waka Certificate, ka Dong Lumbhahdakha da yoh ko hei kyrdan wa 3 chirup waka poisa wa Rs. 5,000 waka Certificate.

Ya kini ki khusnaam da saam da u Sniawbhalang Dhar uwa man leh u Deputy Chief Minister, kamjooh leh u khon yong ka chnong Wahiajer.