Ka Monsa FC da rah ko yei naam Champion ka 2nd Knockout Tiger-5 Football Tournament 2024 wa pynman da ka Demthring Sport Club ynne ka sngi deiwa pynrem yaka Death FC da 7–2.
Ki kool ka Monsa FC da wan ki lyngba u Ruhi Pale uwa da thap haka minit wa 7,15,18,25,35,49 wa u Kynsai Pale haka minit wa 28 katwa yaka Death FC da thap da u Chwa Dhar haka minit wa 37 wa 50.
Yei naam Man of the Match da yoh da u Ruhi Pale, yei naam Best Goalkeeper da yoh da u Damang Rymbai katwa yei naam Player of the Tournament da yoh da u Richard Dhar.
Ya kani ka Final da wan sakhi kam u kongsan da u Wanbiang Pulang, u symbood kongsan, u Ebenezer Sutnga deiwa emlang leh u Ram Phawa, waheh chnong ka Ialong ryngkat ki dkhot chnong, dkhot Club yong ka Demthring.
Ka Monsa FC kam ka Champion da yoh ko da ka song poisa kawa Rs. 50,000 deilang ka Trophy katwa ka Death FC da yoh ko Rs. 30,000 kamjooh ka Trophy.
Discussion about this post