Ynnin ka sngi ha ka yalang wa da pynman ha Vivanta, Khyndailad, da wai ya ka Miss Universe Meghalaya da u Montri ka chnat Tourism wa Arts & Culture, u Paul Lyngdoh kam u kongsan deiwa emlang u Federick Roy Kharkongor IAS, Commissioner & Secretary ka chnat Arts and Culture kam u symbood kongsan wa uwa chah khut kyrpang, u Amjad Khan, Director of Operations & Marketing ka Miss Universe India neitæ ka Arshina Sumbul kawa man kam ka Miss Grand International India 2023 waka Sophiya Singh kawa man kam ka Miss Asia Pacific India 2024 wei da pynman ya kani ka yalang da ka Miss Meghalaya Organisation.
Ha kani ka yalang da pynlait leh ya u chap namo u Logo da u Federick Roy Kharkongor wei da khana leh chaphang ka Miss Meghalaya, Glamanand Entertainment Pvt Ltd wa chaphang ka Miss Universe India, wa da leh da ka Miss Meghalaya, ka Stella Khongsni wa u Amjad Khan.
U Paul Lyngdoh da wai u leh ya ka pangsnget ka Miss Universe Meghalaya.
U Paul hawa e yei klam da khana u leh yei kaam wa da leh da ka sorkar yow pynku yei sap ki khynroo khyllood ka jylla kam ha i tem i put, ki sap chna dur pynwan dur wei da kyrmen u wa ki that wa da pynmih napoh Meghalaya daw yoh ki leh yei tipmit.
Ha uni snem u pynkylla noh yei rukom jied ya kiwa yaleh neibynta ka Miss Universe India deiwa booh ha jar jiar ki jylla da ki State Director yow yarap ya kiwa chibynta ha kylleiñ ka ri heiwa ha Meghalaya da thung da u Dominic Savio kam u State Director ka Meghalaya da ka Miss Meghalaya Organisation.
U Amjad Khan da ong u wa deiwa leh kamni, ki kynthai wa em yei sap daw yoh yarap ki pyn hapoh ka jylla wa em ki neibhah nachwa kiwa kwah u chimbynta da hap ki wow lai cha kiwi ki jylla yow yaleh Audition wei ym tikna leh wa daw chah jied wei da pynlut yei por waka poisa, wei kattu won ki kynthai daw ye ki wow tip bniah pyn hapoh ka jylla lada man ki kiwa biang wow lai chimbynta.
Discussion about this post