Lai paan pynche ka FKJGP na u DMHO yei rukom chna ya ka Lama Sub-Centre

Ka seiñ Federation of Khasi Jaiñtia & Garo People (FKJGP) Lama Unit ynnin ka sngi hei yahkhmat u President yong ka u Lamchwa Dong hei ya synranlang u President ka FKJGP SEBA Circle, u Mathew Pajat kamjooh u President wa u General Secretary ka FKJGP East Jaiñtia, u Deihok Sumer wa u Emlang Sutnga da lai yachem ki wa u District Medical & Health Officer (DMHO), East Jaiñtia Hills District, u Dr. Dominic Shylla wow paan pynche yei chna pynyabi lang ya i yung warim wa kawa dang chna thymme ka Sub-Centre ka chnong Lama.

Neiliang DMHO da ong u wa ini i chna ya katai ka yung toh hapoh ka Scheme chna pynbha (Renovation) wa kiwi de i chna kam ki thlu noh ya ki tiar wa nep kam ki thyrnia wa kiwi de kiwa dadep pynemkaam neibynta kiwa kjut kamjooh da ong u wa ka sorkar em ko i thmu wow chna ya ki yung sah kiwa kreh (Quarter) ha ki 2 Unit hei lut kamwa Rs. 20 lak neibynta kawi kawi ka Unit ha kitu ki Sub-Centre wa em hapoh East Jaiñtia Hills wei u DMHO da ong u leh wa yeini ye u yoh yei pynche wa rap bniah na ka yung krehkaam u Mission Director, NHM yong ka jylla Meghalaya uwa toh u pait yeini wei i chna leh ya ki yung sah kiwa kreh toh deiwa chim ram ka sorkar lyngba ka World Bank.

Ka seiñ da kyntu ko ya u DMHO wow chimkhia u ya kani ka Scheme chna pynbha wa i chna ya ki yung sah kiwa kreh toh u man ko kawa bha kawa skem wym toh u chna tangdep neibhah boonsien ki yung sorkar du hadien kajiak snem wa dadep chna da joo um wei da hap wow pynchna wot ki iwa da ktah leh ya kiwa kreh wa pynemkaam yei yung wow sah neibynta wow e chakri ya ki paidbah heiliang i chait i khiah.

Neiliang uni u sahep sorkar da ong u wa i angnood yong oo kam u khlieh yong ka chant i chait i khiah hapoh ka District wa ki Contractor u chna ki deiwa bha khnang kiwa pynemkaam leh u yoh ki u pynemkaam khlem da thut heipor wa em u slap ka laær wei oo leh daw chimkhia u pait u sylli yeini khnang wow man ko i myntoi ya ki paidbah.

Related posts

Waroh chimiet neh kiwa chongdai madan ha Khyndailad yow pyrchah yei chah kyrriah

November 24, 2024

Im biang u bru chwa u thang uwa da pynbna ki Doctor kam uwa da yap

November 23, 2024

Ka FKJGP Lama Unit kam ka dak wow yoh yei pynche da lai yachem ko wa u DMHO khlem em iwon iwon i thmu wow pynthut næ pynwit tangwa yow yoh yei pynche donhi wei u pait bniah ko wa i chna u man ko kawa bha wei kawa skem, pynkut ka kyrwoh khubor wa da phah da u President ka FKJGP Lama Unit, u Lamchwa Dong.