Hadien wa jan dap 14 snem, kawi ka kynthai da yoh ko yei hok kawa da chah slaitbor heipor wa em ko dang 13 snem i rta heiwa haka 15 tarik uni u bnai, u Sessions Judge ka West Jaiñtia Hills District, da rai pynrem u deiwa phah kset ya u Kyrshanlang Sungoh hapoh ka Section 376 ka IPC.
Ini toh i kaam wa da takit hadien wa yoh FIR u Officer In-Charge ka Jowai Police Station na uwi u manpa haka 25-09-2010 wa ka khon u kawa dang 13 snem da chah slaitbor ko ha u Kyrshanlang Sungoh haka 22-09-2010.
Ya kani ka FIR da Register hapoh ka Jowai PS Case No. 165(9)10, hapoh ka Section 376 ka IPC, wei da takit wei Charge Sheet da ka Sub-Inspector B.K. Marak.
Hawa pynmih ya ka hukum, da phah kset ya u Kyrshanlang Sungoh 7 snem deiwa khor bha deilang waka kuna kawa Rs. 5000 wei lada ym su u ya kani daw hap chong patok u sa chi bnai hadien wa kut ka 7 snem.
Neiliang ka yung bichaar da phah ko leh wow e ka bai lutsan kawa Rs. 5 lak cha kawa chah slaitbor i wow pait da ka District Legal Services Authority, West Jaiñtia Hills District u leh yeini.
Discussion about this post