Ka khliehdooh ki pulit ka jylla, ka Idashisha Nongrang kawa da chimkti yei kaam DGP, da maham ko ya ki pulit wa jooh khrong poisa pyrchah aiñ ha ki sarok, deiwa ong wa ya kam kini ki jait kaam ym e laad la kammon kammon leh wei lada emkaam daw leh deiwa khor ya ki.
Yeini da ong ka DGP hawa chimkti ya ka chuki Director General of Police ka jylla heipor wa yaklam wa kiwa thoh khubor ha yung krehkaam ka wa em ha Shillong.
Hawa kylli, kani ka heh pulit da pdiang ko wa em boon i khrong poisa pyrchah aiñ ha ki sarokbah da ki pulit, iwa da pyndooh thiah pyndooh dem leh ya ka chnat.
Heijooh i por da ong ko wa ym ye wow kular wa daw ye ko u pyndooh pyndam syndon ya kam ini i kaam khrong poisa pyrcha aiñ, tangwa katkam wa ye i bor yong ka daw leh ko yeiwa bha tam yow lait u em kam kini ki kaam.
Discussion about this post