Jowai : Ka NSS Unit yong ka Kiang Nangbah Government College chirup wa ka Student Union kani ka thaw puræ da pynman ki ya ka Awareness Programme hajrong ka phang “Financial Literacy”.
Ya kani ka esikai da pynman ha ka 17 Kmaichonglad hapoh ka Auditorium ka college heiwa da wan chim bybta da ki spah ngut ki khynnah puræ.
U Branch Manager ka Canara Bank, Jowai Branch u ma Dinimang Daimai da man u kam u resource person heiwa da batai u ya ki khynnah wa kammon u im katkam i yoh wei ymhoi u leh pahooh wei ymhoi u pynemkaam bakla ya ka poisa wa da e ki bei ki pa ya ki.
Da batai u leh kammon u pynmyllien ki u pyllang poisa nadooh dang khian yow suk won mynried hadein wei ki Bank waphær waphær leh smat ki u e yarap neibynta i puræ puthi ki khynnah.
Ya kani ka programme da pyllai da u ma M. Passah u wa man kam u Programme Officer ka NSS Unit yong ka College heiwa da pyntip u leh wa kani man ko kam chi bynta na i lehkmen ya ka College Week 2016.
Discussion about this post