Uwi u bru da khlaad u katwa kiwi ki 6 ngut da mynsoo joor ki hei ya tyrrah kari wa yoo chyrkhei iwa da jia ha u NH-6 ha Ri-Bhoi District hei step ka 26 tarik.
Ini i ya tyrrah kari toh hapyrdi ka Bolero Pickup (ML-05-AB-3102) waka Maruti Swift Dzire (AS-25DDC-9117) wei da jia i heipor kamwa 10:30 ha Umran heipor wa kani ka Pickup kawa dang wan ko yow lai cheiliang Nongpoh kawa yah da u Stanphan Ryntathiang (21 snem) uwa na Patharlyndan, Eastern West Khasi Hills District wei deilang wa oo da em u Breaksius Mawlong (26 snem) uwa na Mawkriah, East Khasi District wa u Kamwadathmu Hadem (35 snem) uwa na Krongshnong, West Jaiñtia Hills District.
Ya kiwa mynsoo da dep kit chwa da ki paidbah chwa ki thaw sumaar chwa u poi ki pulit.
Katkam wa takit ki pulit, kani ka Pickup da ku ko yei bynta wa phiah ya u sarok wei da tyrrah ko mar dei khmat wa kani ka Swift Dzire kawa wan neiliang Guwahati kawa em 4 ngut hapoh deilang wa uwi u khynnah heiwa kani ka Pickup da kylla lyngkdang ko ha ini wa jia.
Waroh ar tylli ki kari toh kiwa da chah ktah bha wei kiwa em hapoh ka Swift Dzire toh u Nikhil Harijan Balmiki (3 snem), u Mahesh Balmiki (34 snem), u Minoti Das (46 snem) waka Deepa Das Balmiki (28 snem) kiwa waroh na Azara, Guwahati, Assam.
Uwa yah ya kani ka Pickup, u Stanphan Ryntathiang da khlaad noh u heini wa jia wei da pynbna wa da khlaad noh u da ki Doctor ka Nongpoh Civil Hospital.
Ya waroh ar tylli kini ki kari da taan cha Umsning Police Station wei ka takit dang lai ko chakhmat.
Discussion about this post