Chah tympat boon tylli ki dieñ wei lait kiwa sah hajan wa oor khyndaw nei mynsoo joor

Ki bru ka Meghalaya State Disaster Response Force (SDRF) nadooh ynnin da lai yarap ki ya ki bru kamjooh wow pynkhooid ya ki dieñ, ki khyndaw wa da oor da pat neidaw wa wan ka Cyclone Remal.

Ha Shillong da yoh wow pynlait ya 8 ngut ki bru kiwa em hei yung hajan i thaw wa oor khyndaw ha Lumparing wei hadien ini da lai yarap ki wow sai ya ki bru wa em ha Bivar Road deiwa yarap ya ki bru ka Fire & Emergency Services wa Shillong Municipal Board hadien wa oor iwi i kynroh heiwa da em kawi wa mynsoo hewai da kit ya ka cha Hospital da ki bru paidbah.

Ha Rilbong ki bru ka SDRF da yarap ko ya ki bru ka chnat Forest yow yah ya ki dieñ kiwa da jan haap wei da yarap leh u sai ya 14 ngut ki bru kiwa em ha kini ki thaw wa em i maa.

Ha West Jaiñtia Hills ki bru ka Civil Defence and Home Guards da lai ki wow pynkhooid ya kiwa boon ki dieñ wa haap cha luti syngkieñ ha chnong Jowai ha ki bynta ka Dulong wa ha Khimusniang wa haap uwi u dieñ wa heh ha ha iwi i yung.

Related posts

Pyrchah ka India yei thmu ka IMF wow e yarap poisa ya ka Pakistan da ki Billion Dollars

May 9, 2025

Sangeh yakhih ka MCTODA | Da e por ya ki karkhana Coke 10 sngi

May 9, 2025

Ha Tura da yarap leh wow pynkhooid ya kiwa boon ki dieñ kiwa da chah tympat ynne i step ha kiwa boon ki thaw.

Ha Williamnagar ki bru ka Civil Defence & Home Guards da yarap ki wow kyrriah ya uwi u dieñ wa heh wa haap ha Kusimkol heiwa da tkut leh ki sainar bordiñ.

Da em leh uwi u dieñ wa heh wa haap hajan Springside School, Malki, Shillong wa da lai yarap pynkhooid da ki bru ka SDRF.