Hadien wa da kulmar ki khynnah skur kamjooh kiwa lai puræ College ynne ha West Jaiñtia Hills neidaw wa slem u DC wow pynbna wa phah khang ya waroh ki skur wa ki College.
Neiliang u DC da pynmih hukum u ynne wa da phah khang ya waroh ki skur, ki College wa University wa em hapoh ka District hadooh mynstep ka 30 tarik.
Cha kiwa thoh khubor da pyntip yeini wa khang ynne heipor kamwa 11:00 waje i step hadien wa kiwa boon ki khynnah da dep ki wow lai skur.
I yoo wyrai won wa manda pynlait ya ki khynnah wow liwan ki toh hapyrdi u slap waka la’ær wa joor wei kiwa boon leh da jhieh ki.
Ki paidbah kiwa boon da beiñ ki yeini i slem wow pynbna wa khang skur ynne neibhah kiwa boon ki khynnah nadooh 8:00 waje i step da mih ki wow lai skur wei kam ki bor District toh u tip ki wow pyrkhat chwa.
Kiwa boon leh da khuslai ki yei maa wow mih ki khynnah ha kam kini ki por neidaw wa boon dieñ hadooh ki chrot bordiñ kiwa pat wa kheiñ.
Discussion about this post