I pyntip cha kiwa chong chnong ka East Jaiñtia heiyatoh wa i chlai um wa i oor khyndaw

U DC ka East Jaiñtia Hills District da pyntip u wa neidaw wa joor u slap, ka Wah Leteiñ kawa em hapoh ka Saipung C&RD Block da chlai ko cha ki thaw wa em marjan wei da ku ko chadooh u sarok surok PWD.

Heiyatoh wa ini da kyrpaad ya kiwa chong chnong wym toh u lai ki chajan kani ka wah næ wow kaap chiliang ka kat wym pu hiar i ku ko yow lait u jia iwon iwon wa sñiawsih.

Da pyntip leh wa da em i oor khyndaw ha ki kattu katni ki bynta u sarok Borghat-Sonapur, kamtæ da kyrpaad ya kiwa chong chnong wow man kiwa husiar hawa lai luti na uni u sarok wei lada chem wa em iwon iwon i oor khyndaw wow pyntip cha u Executive Engineer, PWD (Roads) NEC, Khliehriat khnang yow leh ya iwa emkaam.

Sa iwi i pynbna toh chaphang ka yingkieñ naar wa em ha u sarok Sutnga Sumer Road wa Moolamanoh wa toh kawa da tlot bha wei lada lai da ki kari wa kit palatpood daw booh ko hei maa ya ki paidbah.

Related posts

Pyrchah ka India yei thmu ka IMF wow e yarap poisa ya ka Pakistan da ki Billion Dollars

May 9, 2025

Sangeh yakhih ka MCTODA | Da e por ya ki karkhana Coke 10 sngi

May 9, 2025

I pyntip won cha ki waheh chnong wa em hapoh ka District wa lada em kiwon kiwon ki yung wa em ki chariñ loom kiwa ye u chah ktah nei oor khyndaw, ya kini ki da toh u mih ki chipor wei wow lai sah ha ki yung skur næ hapoh ki Community Hall yow lait na iwon iwon i jia wa sñiawsih.