Kyrpaad ka JCRRP ya kiwa na Jaiñtia wow thoh cha ka heiyatoh wa ka Reservation Policy

Ka Jaiñtia Coordination Committee for Reservation Policy (JCCRP) wa kynthup ya ki soo tylli ki seiñbhalnang na Ri-loom Jaiñtia (JSU, JYF, JSM, JNC) da pynman yalang ko ha ka 27 tarik uni u bnai ha Jowai wow pyrkhat hajrong i paan yumut ka sorkar lyngba ka Expert Committee wow pait u sylli biang ya ka State Reservation Policy 1972.

Ha ka yalang, neiliang ka JCCRP da e Wyrta ko cha kiwa chong chnong ka Ri-loom Jaiñtia khamtam ki paidbah wa ki bru chemphang na ka thaaiñ wow sñiawbha ki u thoh cha ka JCCRP chwa wow phah cha ka Expert Committee neibhah lada pynmih chiboon tylli i pynsñiaw daw wanrah pathan i yei kulmar wei i wym sñiawthooh hajrong i dawa.

Related posts

Da wanrah ya boon tylli ki Amendment Bill ha ka sngi sdang ka Autumn Session

September 8, 2025

Chimpor u Lamphang wow rai ya ka ujor ka Congress pyrchah ya ki 4 ngut ki MLA kiwa da kynthiar cha ka NPP

September 8, 2025

Kamtæ ka JCCRP da ong ko wa lada em wa bien u thoh næ pynsñiaw wow pynkylla ya ka State Reservation Policy 1972, wow sñiawbha ki u thoh cha ka JCCRP deiwa phah lyngba kini ki WhatsApp Number (7005806661, 7005264971, 6009-914196) hapoh ka 10 tarik u Naiynru chwa wow phah cha ka Expert Committee hachwa ka 15 tarik u jooh u bnai (Naiynru).

Puræ leh: Ye ki paidbah u thoh cha ka Expert Committee yeiwa kwah ki u pynkylla hapoh ka Reservation Policy ka Meghalaya