Ka Jaiñtia Students’ Movement (JSM) ynnin ka sngi da lai yachem ko wa u Deputy Commissioner ka West Jaiñtia Hills District, hapoh i yahkhmat yong u Educational Secretary ka Western Region, u Heyhok Supuh, u General Secretary WR, u Shanskhem Suchiang ryngkat i emlang u Working President CB uwa man leh kam u In-charge President WR, u Jimmy Raul Kharmuti wa kiwi kiwi de ki dkhot yow yaklam heiyatoh wa kiwa lai thooh thaw puræ namo ka Admission neibynta ka Higher Secondary wa Under-Graduate wym hoi u dooh thaw lai puræ ki na ki daw wa boon lada kheiñ ya ka Percentage, i wym chniam thaw de namo wym dap Seat ha ki thaw puræ.
Heiyatoh wa ini neiliang kiwa yahkhmat ka JSM da pachat yumut ki cha u DC wa kitu kiwa dooh thaw ha Kiang Nangbah Government College u thooh laad ya ki pyn cha ki thaaiñ wa wan ki kam ka nongmuna wa kiwa na Laskeiñ Block ye ki wow lai noh cha Shangpung Community College, kiwa na Amlarem Sub-Division ha Nongtalang Community College, kiwa na East Jaiñtia ha Eastern College khnang u lait u sepai i puræ puthi ki.
Ya kiwa lai puræ Higher Secondary won da em ka Government Boys’ Higher Secondary School waka Government Girls’ Higher Secondary School.
Neiliang u Deputy Commissioner da e yaroh u ya ka seiñ yei e buit ko wow pyndooh yei eh ki khynnah wei da kular u wow chimkhia hajrong ini i kaam.
Chooh chooh ka JSM da booddien ko leh yeiwa da dep phah chithi ko cha u DC heiyatoh wa i kulmar i pynman NEET Jowai Centre itæ ha St. Mary Mazzarello Girls’ HS School Jowai heiwa ya kani ka chithi da phah leh cha u Montri ka chnat puræ puthi ka jylla wa cha ka National Testing Agency deiwa kyrpaad wow e laad biang u yaleh ya ka NEET (UG) 2024 sa chisien ha Jowai Centre.
U DC da pyntip u wa katkam ka chithi wa da pynmih da u Director of Higher & Technical Education Meghalaya, da kyrpaad ya ka NTA u chimkhia ko yeini i eh neibynta wow pynman biang ya ka Exam wei neiliang ka seiñ da e yaroh ko yei chimkhia u Deputy Commissioner deiwa pyrkhat ya ka mynried ki khynnah ka Ri Jaiñtia.
Discussion about this post