U President ka National People’s Party (NPP) Meghalaya, u Prestone Tynsong da e khublei u ya ki paidbah kiwa da chim yei kitkhlieh wow jied ya kiwa mihkhmat cha ka Lok Sabha deiwa pynjop ya ka VPP wa ya ka INC.
Da pyn-eh-nasib u leh ya waroh ar ngut ki MP wa thymme yow kreh ki katkam wa angnood ki paidbah.
Hawa klam ynne ka sngi, u Prestone da ong u wa lada rem leh em i daw wei lada jop leh i daw em i, wei ka NPP leh da chah jied ko ha ki paidbah ha u 2023 wei kam ka Party kawa yahkhmat ya ka sorkar daw kreh bha ko katwa ye neibynta ki paidbah.
Hawa ong won yei dawa hiar chuki u President ka VPP, u Ardent M Basaiawmoit ya kiwa em ha ka sorkar MDA neidaw wa rem ha ka MP Election, u Prestone da ong u wym pu jooh em chem wa em kam itæ wa ong wa kitu kiwa rem ya ka MP Election daw hap hiar chuki noh ki na ka sorkar jylla, weini toh du i klam khynnah donhi.
Da ong u leh wa ka Election hi nadooh wa sdang hap wow kreh chitom wei da kreh chitom hi tangwa dang rem wei hap wow pdiang ya iyi wa da rai ki paidbah wei hap leh wow pynbait yeiwa duna.
Da ong u wa da yoo wa kiwa boon wa lang khamtam ha ka Shillong Parliamentary Constituency, kiwa da ong wa kwah ki wow yoo yei kylla, wei hap yaroh ya kiwa thap Vote wa wot ka bai kari bai cha bai dud leh da sai hi ki wei da kwah wa kiwi ki Party u leh ki kamtæ wei lada kwah yei kylla ymtoh da ka poisa.
Heijooh i por da ong u wa kiwa na palatsor ki sñiaw ki wa lada jied ya kiwi lait noh ya ka NPP, i kaam sorkar daw wan thooh i ki na yung wei da kyrmen u wa daw mankaam ini leh wei daw wan i kylla.
Da ong u wa lada kiwa kreh sorkar mut ki wow ong wa ka sorkar lehbeiñ ko ya ki tangwa ki em hi ki ka seiñ yong ki wei ileh ym wan yaklam ki wa ka sorkar.
Discussion about this post