Ka Supreme Court da ong ko wa lada i phah su bai lutsan man ko ka daw wow pynduna yei phah kset ya u bru, daw pynsepai ko yei bichaar pynyoh yei hok kiwa chah thombor.
Da pynche ko wa i phah su cha kiwa chah thombor toh yow yarap ya ki kamjooh ki yung ki sem kiwa da em uwa mynsoo uwa dooh yei mynsien wei ym ye u man i daw i yurim wow pynduna ya ki snem wa phah kset ya kiwa thombor.
Lada leh kamni, kitu kiwa tyngkheiñ aiñ kiwa boon poisa daw lait ki nei chah pynchitom iwa da man mar dei khangtleiñ yei thmu wa da booh ya ki aiñ.
Ka Section 357 ka CrPC da e bor ko ya ki yung bichaar wow phah su cha kiwa chah thombor heipor wa pymih ya ka hukum.
U Justice J B Pardiwala wa u Justice Manoj Misra da ong ki wa i phah su cha kiwa chah ktah thombor toh neidaw wa sñiawthooh katwon maad chitom ki wei boon i por mylliñ yeini hawa pynman yei bichaar, kamtæ ym mut wa deiwa phah su tæ da biang wei da hoi u pynduna noh yei por wa phah kset ya uwa thombor.
Ini mut ko leh wa ka Section 357 ka Code of Criminal Procedure (CrPC) toh kawa da booh yow pyntikna wym chah mylliñ kitu kiwa chah thombor.
Hajrong ini da ong wa manda chim ka rai katwon u phah su ym mut wa deiwa dep phah su tæ manda pynmih hukum phah kset toh u kheiñlang waka poisa wa da phah su yow pynduna noh dei por wa phah kset.
Ka Supreme Court da ong ko yeini hadien wa bichaar ya ka mukotduma wa leh da uwi u bru wa tip kam u Rajendra Bhagwanji Umraniya uwa da yaleh pyrchah ya ka hukum wa da pynmih da ka Gujarat High Court kawa da pynhiar yei por phah kset wa 5 snem cha ka 4 snem neibynta ki ar ngut ki bru lada bait ki wow su Rs. 2.50 lak.
Discussion about this post