Kam chibynta ka World Environment Day 2024, neiliang ki bor District ka West Jaiñtia Hills da pynman ki ya kiwa boon ki jait yakob wei da saam leh yak i khusnaam cha kiwa jop ha ka yalang wa da pynman ha District Library Auditorium, Mynthong, Jowai ha ka 5 tarik.
Ki jait yakob wa da pynman toh nadooh ka Inter-School Photography Exhibition/Competition hajrong ka phang wa ong The Ugly Picture Contest yow chondor deiwa pynyoo yeiwa taroi tam kamjooh leh kiwa pynyoo yei maa neiwa pynemkaam Plastic.
Ha ka chi bnai wa da lai da em palat 120 tylli ki dur ki dar wa da phah wei da jied 23 tylli kam chibynta ka Exhibition.
Ki khynnah na ar tylli ki skur, ka HK Singh Memorial School wa North Liberty HS School da pynyoo ki kammon wa da leh ki ha ki skur yong ki hi yow pynkhlaad yei jhep kamjooh i rukom pynlang yei jhep.
Ha kani ka sngi da saam leh ya ki khusnaam yong ki yakob wa da dep pynman ha ki tayaaw chwa da ka yung krehkaam u District Planning Officer deiwa pynman ya ka Inter-School Chess Competition nibynta ki kynthai wa chynrang, ka Word Fest (Scrabble Competition) waka Photography Competition.
Ka North Liberty HS School da jop ko ya ka Word Fest wei da yoh wa ar ka Government Girls’ HS School katwa hei wa le da yoh ka HK Singh Memorial Secondary School.
Ha ka Chess won da jop lut ka Government Girls’ HS School kiwa yoh nyngkong hadooh wa le neibynta ki kynthai, katwa ha ki chynrang da jop ka Ches’ Star HS School katwa hei wa ar wei wa le da yoh ka QC Springside.
Ha ka yakob chondur da yoh nyngkong da ka Tome Memorial School, hei wa ar da yoh ka Jaintia Higher Secondary School katwa ka HK Singh Memorial da yoh ko hei wa le.
Ya ka North Liberty HS School da e khusnaam wa kyrpang yeiwa boon kiwa chimbynta ha ka yakob chondur.
Discussion about this post