Hadien wa chah Suspend, chah kem kawa thaap ya ka Kangana Ranaut

Ka Kulwinder Kaur kawa man kam ka Constable ka Central Industrial Security Force (CISF) kawa thaap ya ka Kangana Ranaut iwa da jia ha Chandigarh Airport hadien wa chah Suspend ko, da chah kem ko leh.

Neiliang ki pulit hadien wa Register ki ya ka FIR ynnin hi ka sngi wa jia ini, da File Case ki leh pyrchah ya ka Kulwinder Kaur kawa da ong wa da leh ko yeiwa leh ko neidaw wa ka Kangana ym tip ko wow burom yeiwa yakhih ki warep heiwa ka bei wa u pa ko leh toh kiwa da embynta ha kani ka yakhih.

Ka Kulwinder Kaur toh kawa na Sultanpur Lodhi, Punjab wei da kreh ko ha Chandigarh Airport la ar snem kattu wei u kurim ko leh toh uwa kreh kam u CISF hi wei da emlang ki ar ngut ki khon. U payu ko toh u Sher Singh uwa man kam u Organization Secretary ka Kisan Mazdoor Sangharsh Committee wei yajan bha ki wa ki warep ka Punjab.

Iwa jia ha Airport toh ha ki bynta ka Security Hold Area (SHA) hawa dang leh yei Security Check wei ya ka Kangana Ranaut da pait da sylli ya ka da ka Kulwinder Kaur heiwa da mih i ya kylliang ktien hadooh wa poi chei thaap ka Kaur ya ka Ranaut. Ka Kaur hadien da ong ko wa da chrai ko yeiwa da dep ong ko ka Ranaut kawa da beiñ ya ki kynthai Punjab kiwa da mih wow lai pyrchah ya ki aiñ thymme wa wanrah da ka sorkar pyrdi ha ki snem wa da dep.

Related posts

Lada lai cha Elaka Nartiang ym yoh de ki Thadmynri wow pynemkaam yei thaw hapoh ka Raij Namdong

November 25, 2024

Sdang ka e sikai ya ki kynthai kammon wow yada pyn ya idæ

November 25, 2024

Ka Kangana Ranaut hawa klam chaphang ini da ong ko wa da chah thaap wei da chah pynkhor ko leh ha ka Kaur wei da khyrngiat ko yeini rukom man ha Punjab katni wa joor ki kaam pyntieñ pynsmiej ya ki bru.

Da ong ko leh wa heipor wa jia ini, ka Kaur da wan ko na chrooh dep tæ thaap ko ka wei da pynkhor ko ka leh.

Kam wow pynkynmoo wa ka Kangana Ranaut dang dep chah jied ko kam ka MP na Mandi Constituency ka Himachal Pradesh deiwa pynrem ya u kyrtong ka Congress da palat 74,000 Vote.