Ka sorkar Meghalaya lyngba ka chnat Personnel & A.R. (A) da pynmih ko ya ka Circular kawa ong wa waroh kiwa kreh sorkar kiwa da thmu wow lai cha baar ri yei kaam samen yong ki, daw hap ki wow paan chwa na kani ka chnat sorkar chwa wow ye ki u lai.
Da ong wa neidaw wym em wa bood ya kini ki kyndon wa da pynmih ha u 2023, da emkaam wow pynkynmoo biang ha uni u snem wa waroh kiwa kreh sorkar kiwa thmu wow lai cha baar dei bor yong ki samen wei deiwa pynlut da ki hi, hap ki wow paan bor chwa na ka sorkar.
Ki Head of Department hap ki wow phah ya ka Application kiwa kreh yong ki cha jar jiar ka Administrative Department ki wow phah won ya ka Application cha ka Personnel & A.R.(A) Department yow e bor ko.
Ka Application toh u klam che ko cha kiwon ki ri wa thmu ki u lai, ki tarik wei katwon sngi u wiar ki.
Ya ka Application daw hap u phah chi bnai chwa wa mut ki u lai yow e laad ya ka chnat u leh ko yeiwa emkaam kamjooh yow lait u pynslem yei e bor.
Heiyatoh won wa kitu kiwa lai cha baar ri neibynta ki kaam sorkar namo ki Official Duty, daw hap ki wow yoh bor na ka Ministry of External Affairs ka sorkar India.
Discussion about this post