Hadien wa u Montri Rangbah ka Assam, u Himanta Biswa Sarma da ong u em kawi ka niam wa leh tæ rem ka NDA ha ka jylla Manipur, Nagaland wa Meghalaya, neiliang u heh ka Voice of the People Party (VPP), u Ardent Miller Basaiawmoit da beiñ u yeini deiwa ong wa u Biswa toh u bru uwa jooh myllien u klam lait wei toh u pyrkhat u yei long i man i yung i yong oo chwa.
U Ardent da ong u leh wa u Biswa ym em hok u wow tuklar yei kaam hapoh Meghalaya neibhah ki paidbah em ki yei hok wow jied ya kiwa kwah ki wei ki paidbah ymtoh kiwa biej.
Da ong u leh wa ki Balang ym jooh em luchia ki ha ki kaam saiñ hima wei kam kiwa chong chnong da jied ki ya ka Party næ u kyrtong u wym em pait chiliang leh chiliang hei pyrtuid ka niam wei ki paidbah leh ym em pait ki ya ka niam hawa jied ya uwon uwon.
Heijooh i por da ong u wa ki paidbah ym e ki ya ka Vote yong ki cha ka Party wa thombor yei hok kiwa khian paaid wei ini i rukom klam u Montri Rangbah ka Assam da ktah ko yei sñiaw kiwa chong chnong ka Meghalaya.
Neiliang ka VPP da ong ko leh wa ka NDA heithaw wow chim yei kitkhlieh wa rem ko tangwa da pynbaad won cha ka niam iwa pynyoo leh wa da chah ktah bha i rukom pyrkhat pyrdaiñ ki.
Discussion about this post