Ka manbei wa chah tynyap ha Sahsniang da ieh ko chadien ya 6 ngut ki khon, iwi iwa dang chi snem

Ka Kur Bamon-Suja-Phalangki da khyrngiat ko yei chah tynyap ka Ailem Bamon ha ka 9 tarik uni u bnai ha chnong Sahsniang hei kti u Wan Lathong. 

Ka kur da pyntip ko wa ong wa ka Ailem Bamon da lai thooh tit ko na khloo tangwa ymtip ko wa ha i lai thooh baam da chah tynyap pathan ko ha u Wan Lathong uwa na ka chnong Niawkmai iwa da pynsñiawsih joor ya ka kur.

Ka kur da ong ko wa ka Ailem Bamon kawa da chem chitom chwa nei wym em de u yachong u kurim ko wa ka wei kawa psa ya ki 6 ngut ki khon heiwa iwi i khon toh iwa dang 1 snem i rta katwa iwi won iwa duna hei bor pyrkhat.

Kamtæ ini i leh u Wan Lathong ym du wow chim yei mynsien ko tangwa da booh leh ya kini ki khon hei eh i khor iwa ymye de u mutdur.

Kamtæ ka Kur Bamon-Suja-Phalangki da beiñ ko ya ini i tynyap uni u bru ya ka manbei na ka kur deiwa kyrpaad ya ki bor ka aiñ wow pynchitom joor ya uni u bru thrang snaam.

Da dawa na ki bor ka aiñ wow bichaar bniah wei bichaar hok ya ini i kaam wei wow pynchitom ya uni u bru deiwa khor.  

Related posts

Da pynlait ya ka Scholarship kawa dapoi ₹126.28 klur cha ki 70,683 ngut

November 29, 2025

Chrai ka seiñ kiwa em HIV ha Meghalaya wa pynman ya ka World AIDS Day kam ka Fashion Show

November 29, 2025

Chooh chooh ka kur da booh ko ha i ngooh Blai ya kani ka manyung, khamtam wow kyrpaad ya u Blai wow sumaar wei wow pyntngen ya ki khon yong ka Ailem Bamon.

Heijooh i por da kyrpaad ya ka imlang sahlang wow yieñ ryngkat wa ka kur kamjooh wym toh u maap ya kam uni u bru uwa pynsyir ya ki khynnah wa ki kynthai.