U National General Secretary ka National People’s Party (NPP), u Sniawbhalang Dhar da ong ki wa em kiwa kyrchaan yong oo kiwa khlem thap cha ka NPP, neidaw wym em yaleh u da oo.
Da ong u wa i jop tput ha ka MP Election da kawi ka seiñ ymtoh iwa dang thymme, neibhah wot ha u snem 2019 leh ka Congress da tam tput ko ya u kyrtong monlang ka MDA.
Da pynkynmoo u wa ha u snem 2019 waroh kiwa em ha ka sorkar MDA da yakhun pyrchah ki ya u Vincent H Pala, tangwa uni u kyrtong ka Congress da jop u ha waroh 35 tylli ki Constituency deiwa yoh hadooh kamwa 4.20 lak ki Vote, tangwa ha ka Election MLA 2023, ka Congress da jop ko du 4 ngut ki MLA na Khasi Jaiñtia.
U Sniawbhalang uwa man leh u Symbood Montri Rangbah, da ong u wa ki paidbah ha ka Election MP, MLA wa MDC yaphær bha ki wei da pynrap u wa ki paidbah toh kiwa chalak bha wei ymtoh u kheiñ-ke ya kiwa thap Vote.
Neiliang u Sniawbhalang da ong u wa burom u ya iyi wa rai da ki paidbah wei heijooh i por da pyn-eh-daw u ya u MP wa da chah jied thymme, u Dr. Ricky AJ Syngkon.
Da ong u wa ha ka Election i jop i rem da em bait, wei e khublei kyllum u ya ki paidbah wa chong chnong kiwa da e yei rai yong ki ha ka MP Election, wei da khublei kyrpang leh ya kiwa kyrchaan ka NPP kiwa da kreh chitom hanla ym ye ki wow pynpoi cha ka thong.
Discussion about this post